صحييت مفزووع علي صوت صريخ بيقول :لااااااااااااااااا
رحت قايم جري وطلعت برا الغرفة وفجأة لقيت عبد الرحمن واقع علي الأرض وباب الشقه مفتوح وراجل لابس لبس مطعم بيتزا رحت مفوق عبد الرحمن وعرفت منو كل حاجه أسمعوا عبد الرحمن وشوفوا هو هيحكلكو القصة:
يوم السبت دا يوم الاجازه ...يووم متعب اوي ....كنا خارجين مع واحد صاحبنا وأول اما رجعنا سعد قالي انا عايز انام قولتلو:ليه مش هتقعد تتفرج علي الحلقه الأخيره من مسلسل اصحاب الكهف وبعدين دا احنا لسا مكتبناش التدوينه الي عليها الدور
قالي لا انا مش قادر انا داخل انام تصبح علي خير
أول اما سعد دخل ينام قعدت أتفرج علي الحلقه الأخيره من المسلسل لغاية اما خلصت وطبعا المسلسل كان بيتكلم عن قصة ناس في حاكم ظالم قالهم لو ماكفروش هيقتلهم امو هربوا وراحوا الكهف واول اما ناموا مصحوش تاني غير بعدها بميت سنه صحيو لاقو الدنيا اتغيرت ولاقوا في حاكم صالح هو الي بقي بيحكم يعني نامو وصحيو لاقو كل حاجه اتغيرت في غمضة عين
قولت لنفسي ياسلام لو نمت ميت سنه وصحييت لقيت مصر اتصلحت ولقييت ان بقي في حاكم صالح جديد هو الي بقي الحاكم
دا تبقي حاجه جميله أوي ان الواحد يلاقي الدنيا أتغيرت في غمضة عين
بعد اما خلصت المسلسل كنت قاعد زهقان ومش لاقي حاجه أعملهاقامت جاتلي فكره كويسه أطلب بيتزا وعلي ما توصل أقعد أحاول أكتب التدوينه أو أعد ارسم حاجه॥
قمت مكلم المطعم وطلبت البيتزا قامت الست بتاعت المطعم قايلالي ان البيتزا هتوصل بعد ساعه
قولت كويس اقعد ارسم حاجه وقعدت أفكر ممكن أرسم ايه
ماكنش في اي فكره جايا في دماغي اعدت احاول واحاول
بس مكنش في نتيجه وكل ما كنت ارسم حاجه الاقيها وحشه واقطعها لغاية اما بدأت عنيا تقفل و بدأت انعس واحده واحده
لغاااية اما روحت في النوم .....zzzzzzz
لقيت نفسي في مكان غريب وضلمه اوي:ايه دا انا فين انا ايه الي جابني هناانا أخر حاجه كنت فاكرها اني كنت آعد برسم ومستني البيتزا علي ما توصل!!
أعدت احسس شويه علي المكان لأني مكنتش شايف حاجه من الضلمه طبعاا لأيت
ان انا في حاجه ضيقة زي القبر أتخضييت أوي وأعدت أزق بأيدي لفوق عشان
أحاول افتحو
لغاية اما اتفتح وطلعت لقيت نفسي في المقابر كنت خايف أوي امت جريت وطلعت من المقابر
اول اما بعدت عن المقابر لقيت نفسي واقف ادام حته غريبه اوي بس حاسس انها مش غريبه عليا
لاقيت نافسي واقف ادام دمار ادام مكان كأيب أوي...
اول اما دخلت الحته دي وبدأت امشي فيها لأتها مدينه غريبه اوي تلاقي بيوت مكسره ومبهدله وفي نفس الوقت تلاقي بيوت متطوره وحلوه و حاجات طايرا في الهوا وحجات متطوره شويه وكل اما امشي في حته اشوف نفس المناظر الي بنشوفها الوقتي والاقي ناس فقراء وغلابه اعدين في الشارع ومتبهدلين ولا لاقيين شغلانه ولا مشغله 
قولت لنفسي ايه المكان الملخبط الي انا فيه دا؟
وانا ماشي في المدينه بدأت احس بالجوع وبالصدفه لاقيت محل بيتزا قوداميقولت فرصه وكان في عشرين جنيه في جيبي زمنهم أتحللو طبعاا
قومت رحت للمحل دا وأول اما طلعت لاقيت في فيه حاجة غريبه اوي!!!
لاقيت انسان آلي واقف في المحل بس مش زي الي احنا بنشوفهم في الكرتون لا دا كان شكلو مبهدل شويه
لاقيت الآلي دا بيتكلم قمت سألتو هو فين البياع الي شغال في المحل دا ام قالي :::انا البياع أقدر اخدمك في حاجه؟:::استغربت ورجعت أسأل نفسي ايه المكان الملخبط الي انا فيه دا... انا في الماضي ولا في المستقبلماعلينا...
قولت للآلي دا عايز واحد بيتزا باللحمه من الحجم الصغير وأدتلو عشرين جنيه
ام مسك العشرين جنيه وبص فيها وقالي ايه العملة الغريبة دي؟ دي مطبوعه من ميت سنه!!!قولت لنفسي :ايه دا انا ممكن بجد اكون نمت ميت سنه وصحييت بس ازاي !!! وقمت سألتو امال العمله المستخدمه الوأتي ايه؟وكان قلبي بيدق بسرعه لما كان بيطلع العمله المستخدمه عشان يوريهاني
وأول اما طلع العمله لأيت عليها الصورة الي انتو شايفينها امت قولت أزاي وسألتو مين الحاكم دلوقتي واحنا في سنة كام؟ قالي :::احنا في سنة 2107ميلادي والحاكم دلوقتي هو السيد الرأيس(رأفت علي كمال جمال مبارك)قولت ازاي مش ممكن دا دا كابوووووووووووس!!!!!
وفجأة لقيت نفسي في البيت في نفس المكان الي كنت اعد برسم فيه أولت لنفسي يعني دا كان حلم الحمد لله انا عرفت دلوقتي حاجة مهمه اوي انا المفروض مكنتش اتمني اني انام واصحي الاقي الدنيا اتصلحت لوحدها لأن لو كل الناس استنت ان الدنيا تتصلح لوحدها مش هتتصلح لأن لازم احنا الي نصلحها بأديناايه دا!!! أستنو التدوينة لسا مخلصتش!!انتو مش ناسيين حاجة؟ انا أفتكرت الراجل بتاع البيتزا زمانو وصل
في حد بيضرب الجرس
