جاااااااني تاج!!
اول تاج

جاني من اسبوع معلش يا عبد الرحمن ياسين هاجوبو متأخر
امري لله




اول سؤال

لو مكنتش مصري بس عربي كانت هتبقى إيه نظرتك للمصريين
واللي بيحصل في مصر دلوقتي؟
والله هقول انهم ناس غالبانين ومطحونين و صبرهم كبييييييير اوي وانهم بردو فيهم نسبة سلبيه انهم صابرين علي الباشا وسيبينو يعمل الي هوا عايزو في البلد
وبردو هيكون رأيي في الي بيحكمو البلد انم مجرمين ومستغلين و انهم ولاد ...........بس كده

لو
كنت أوروبي أو غير مسلم بردو إيه نظرتك للعرب والمسلمين؟
انهم ناس سلبييين اوي او مش عارفيين ازاي يمشو في الطريق الصح وانهم مظلوميين بردو ومطهدين من العالم كلو
وكان هيبقي رأي ان الدين والرسول بتعاهم مثاليين اوي وان هما مش عارفيين يستغلوا النقطة دي



لوقالولك إنت بقيت رئيس جمهورية هتعمل إيه؟

اول حاجه هعملها اني هجازي كل الي نهبو وخربو في البلد وهاخد منهم كل الي نهبو وأرجعو
وثاني حاجه هحاول اصلح كل الي بوظو ولاد ال......ما علينا اهم حاجه هعملها اني هحاول أستفيد من تاريخ كل الخلفاء المسلمين الصالحين الي سبقو وهحاول اعمل زي ما كانو بيعملوا
وهخلي الدولة تمشي علي الدستور بتاع القرآن
وهطبق الأحكام الشرعيية وهنفذ الحدود.

لوكان ينفع ترجع طفل تاني وتخليك طفل علطول هترجع؟ وليه؟
امم!! لا اطلاقاا
اولا لأن احنا مكناش هنعرف نحقق اي حلم من احلمنا لو كنا صغار ومكنتش هعرف اوصل لأي حاجة

غير كدا ان احنا كنا بنموت بعض ولازم كل يوم كنا نضرب بعض ونهريي بعض


لوإنت طبيب وعندك مريض ميؤوس من حالته أيهما تفضل إنك تصارحه بالوضع وتقوله كل شيء بأمر الله في الاخر
ولا تغرس فيه الامل لغاية لما يموت؟

لأ طبعا انا مش أهطل هحاول أغرس في الأمل لغاية اما يموت دا ازا مات ان شاء الله ميموتش الا بقا لو كان مرييض رزل وأعد يرخم عليا عشان أقلو حالتو سعتها هقلو.



خطبت واحدة أو اتخطبتي لواحد وأثناء الخطبة اكتشفت أو
اكتشفتي إن الطرف الآخر غير قادر على الإنجاب هيكون تصرفك إيه؟
ليه السؤال الرخم دا بقاا. يا رب ماطحطش في موقف زي دا وبعديين اصلا انا مبفكرش أتجوز الوقتي ولما آجي أفكر يبقي يحلها حلال.


لوطلعت القمر هتكتب إيه عليه؟
الأسلام هوالحل
هه هه هه بهزر هو احنا هنعمل أنتخابات علي القمر
هكتب سبحان من بيده ملكوت السماوات والأرض

لوكنا في عصر ازدهار الأندلس كنت تتخيل نفسك إزاي؟।
كنت هتخيل نفسي رسام كبير بيرسم رسومات بتحكي تاريخ الأندلس وكنت هتخيل نفسي برسم صور العظماء الي فتحوها وكنت هتخيل نفسي مهندس معماري بعمل مساجد وقصورعلي الطراز الأسلامي।

لو سمح لك برؤية الرسول وكان ينفع تقولو كلمة واحدة بس كنت هتقلو ايه؟
كنت هحضنو اقبل رجلو واطلب رفقتو في الجنة وشفاعتو يوم القيامة

لوأنا مررت التاج ده لحد وما جاوبش عليه أعمل فيه ايه؟
أعمل فيه ايه هه ... دانا هعمل فيه بلاوي متلتله دانا ههريه دانا مش هريه وبس دانا لو شوفتو هشنقو واعلق راسو علي باب زويله.

ايه ياعم انتو سدقتو مش هعملو حاجه طبعا لو مش عايز يجاوب هوا حر.

احب احدف التاج دا علي

احمد الصباغ

بس لأن مفيش حد تاني اعرفو مجالوش التاج ده